موضوع اعتـــــــزال .... يعني اخر موضوع ....

الاول السلام عليكم ورحمة الله وبركاته ...

ده ان شاء الله هيكون اخر موضوع ليا في المنتدي هنا .. وزي ما عملت في اللينك مش بقول كده عشان عايز حد يكلمني او يقولي لأ والكلام ده ... لا انا مش محتاج اي ردود من النوع ده والله ... عموما انا برضه في اسباب اساسية وفرعية عشان الموضوع ده ..

وفي البداية ياريت الاستاذ احمد رجب يسيب الموضوع ومش يشيله ....

واول سبب .. النت اساسا بقي خنقة ومبقاش زي الاول خالص والمنتديات كلها بقت رخمه .. ومفيش فيها روح معنوية ...شوفوا الاول الواحد ما كانش بيلاحق علي المواضيع والردود .. اما دلوقتي مفيش داعي طبعا اني اتكلم ...

ثانيا : ما شاء الله هنا نماذج جميلة اوي ... اصدقاء بجد ... سبحان الله فعلا ....

ثالثا : خلاف حصل بيني وبين نموذج من هنا ... وانا هجيبلكم كل الحوار الي حصل بينا دلوقتي .... وهو ان حصل خلاف بينا فبعتلي رسالة خاصة بيقولي فيها ..:

اقتباس :

بنى ادم ما تعرفش يعنى اية معنى الرجولة وبتريل على اى بنت للاسف طلعة لسة طفل بس ما فيش حد يقدر ينفضلى يا توتو
وانا مشيت لان لو كنت كملت كنت هتسمع اوسخ كلام ممكن ينقلك ومكنتش هكبر لح
وما تخلنيش احطك في دماغى لان الى زيك ما يستهلش ان الواحد يديلو اى اهتمام
سلام يا روح اما

دي اول رسالة منه ليا .. وانا الحمد لله رديت عليه باحترام بعد الي عمله ده كله مع ان لو واحد تاني غيري مكنش عمل الي انا عملته ده .. وده ردي ..

اقتباس :

وانا مش هرد علي الكلام الي انت قولتهولي في رسالتك ... انا هقول الله يسامحك .. وربنا يهديك ..

عشان انت لو كنت عرفتني بجد مكنتش هتقول عليا كده وانا مش هرد بس مش خوف مني والله بس انا الحمد لله مش بحب اغلط في حد ولو حد غلط فيا بقوله الله يسامحك وحسابه عند ربنا ..

وده كان ردي عليه بعد رسالته الي شتمني فيها ... ورغم كده برضه مفيش دم وبعتلي رسالة تانية غيرها وشتمني فيها تاني ... والرسالة اهي ..

اقتباس :

ضحكتنى يا برنس بس اية التقوى دى بس انا مش هسميها تفوى انا هسميها شغل العيال الصغيرة الى بتضرب وتجرى وانا عمرى ما فهمت حد غلط يا توتو وانا ما بخافش من حد الا الى مطلع على اعمالى ويا ريت ما تبعتليش رسايل تانية لانك وجعت دماغى نيتى نيتى يا كركرههههههههه

وانا مردتش عليه بس انا جايبلكم الموضوع كله اهو انتم تتصرفوا ... وانا كلمت الاستاذ احمد رجب في الموضوع ده وبعتله اول رسالة بس للأسف ولا عمل اي اهتمام للموقف ومخدليش حقي ... شوفوا انتوا بقي واحكموا مين الي غلطان .. وانا اسف جدا ليكم عشان الكلام الي كتبته ده .. بس كان لازم اقول كل حاجة ... .

واترككم علي خير وعايزكم ما تنسوش اخوكم كريم ... بسمة المنتدي وامير الفرفشة زي ما كنتم بتقولوا ..

والي يحب يعرف اسم العضو انا هكتب اسمه لو عايزين ... والي مش مصدقني بعد كده ياخد الباسورد بتاعتي ويشوف الرسايل ...

والسلام عليكم ورحمة الله وبركاته ..
لا اله الا الله ..
محمد رسول الله ...

اولا يا كريم انت العضو الوحيد فى المنتدى اللى انا عرفته
معرفه شخصية انت وميدو او توب سيكر
يعنى طبعا انت اقرب واعز واحد ليه فى المنتدى
مع احترامى للجميع
ولو مش عارف ده يبقي انت حر وانا اعتبرتك اخ صغير
فى موضوع أخذ الحق انت ما تعرفش انا عملت ايه او قولت ايه
كان المفروض من وجهه نظرك انى اشيل العضو ده من المنتدى
وعشان الجميع يبقي معانا فى الصورة العضو هو اسلام او اوسكار يعنى
بس اسلام اعتذر وحاول يعتذرلك وانت ما قبلتش دى حاجة ترجعلك
الاهم بقي في الموضوع ان انت اصلا مخنوق من حجات تانية
جايز تكون شخصية بس بتحاول تبرر ده بالموضوع اللى بتقول عليه
لان الموضوع ده عدي عليه حوالي 3 شهور يعني لو انت عملت ده
ساعتها جايز كنت قدرت اعرف انك زعلان من كده بجد لكن انت بطلت
تدخل كل المنتديات مش هنا بس عشان حاجة شخصة خاصة بيك
وعموما يا كريم انا قولتلك انت اخ وجيت عندي وانا روحتلك وانت الوحيد
اللى عملت معاه ده يعني انت الوحيد اللى عرفته عن طريق النت
--------------------------------------------------
لو موضوع اسلام مزعلك وانا شايف انه غلطان ومن حقك تزعل
انا بقولك وفي الموضوع برضو ومش هشيل حاجة زي ما طلبت
انا كمان بطلب من اسلام يعتذرلك هنا في الموضوع ده والكل يشوف الاعتذار
زي ما الكل شاف الاساءة واعتقد انى ما اقدرش اعمل حاجة اكتر من كده
ولو اسلام معملش ده يبقي مش بيحترم الاعضاء اللى هو موجود اخ بينهم
وبالتالى مش هيكون ليه وجود هو او اي شخص يسئ الى اي عضو
-----------------------------------------------------------
اهم حاجة بقي انا عندي شغلى وانت عارف ده يعني انا مش فاضي
للنت كتير وكمان الاهم من الشغل اني عندي مشاكل زيي زي اي حد فيكم
وكان الخروج من المشاكل والهموم بيكون معاكم
يا ريت الكل يرجع تانى يصفي قلبه ويصفي نيته للكل وانت اول واحد
وكفاية اعتذارات واعتزالات
ومن أول الموضوع ده الكل يبدأ بداية جديدة
---------------------------------------------------------
اي حد ممكن يعمل منتدي وانا اول واحد تقريبا عمل منتدي
وجمع فيه أصدقاء اللينك وكان الغرض هو تجمعنا في مكان
محترم نحترم فيه بعض لما اللينك بدأ يبقي فيه قلة أدب
لو الادب ده لم يتوفر بيننا أعتقد ان المنتدي كمان يبقي زيه زي اللينك
ما لوش لازمه وانا شخصيا مش فارق معايا كتير المنتدي يستمر
او لا يستمر اللى يفرق معايا
اني اخسر حد كنت بعتز بيه وبعتبره صديق او صديقة
وانا قولت للجميع من الاول المنتدي مش منتدي احمد رجب
المنتدي منتدي جميع الاصدقاء
---------------------------------
من الاخر انا عاوز كريم الاخ الصغير معايا ومع الكل نرجع المنتدي
زي مكان الاول ومستني ردك
سلامي للجميع

ياريت نحاول نرجع زى الاول اصدقاء بجد 000 وياريت يا كريم تسامح وانت يا اسلام ياريت تعتذر

ايه ده

كريم

انت عايز تمشي وتسيب المنتدي
بقا كده يا كركر اغيب كام يوم ارجع الاقي المنتدي بقا كده

ياكريم ده انت اسمك كريم يعني ياسيدي خليكي انت الاحسن وسامح وبعدين احمد بيقول انه اعتذر خلاص بقا متزعلش منه وحتي لو مااعتذرش خليكي انت الاحسن وثوابك عند ربنا وبعدين حتي لو فيه خلاف بينك وبين حد من الاعضاء ده مش سبب عشان تسيب المنتدي كله صلي علي النبي كده وارجع في كلامك وبلاش حكايه اسيب المنتدي ديه تاني

بص يا احمد ... اولا يؤسفني اقولك ان كلامك مش صح ... اولا هو ما اعتذرش ... ده بالعكس انا بعتله الرسالة وقولتله الله يسامحك بعتلي الرسالة الي انت شوفتها دي .. يبقي ازاي اعتذرلي بقي ...هو الاعتذاربقي زي كده اليومين دول ؟

ثانيا الحكاية دي لا بقالها 3 شهور ولا حاجة .... هي اه بقالها كتير بس طولت منك شوية 3شهور دي ... وغير كده اساسا انا الرسالة الاولي اتبعتتلي انا مشوفتهاش اسااسا الا بعد فترة كبيرة عشان مكنتش بدخل المنتدي زي الاول واول ما شوفتها كلمتك وما شوفتش منك اي قرار ... وبعد كده قولت ارد انا ورديت رد باحترام وقولت ربنا يسامحك .... وجي تاني غلط فيا ... فين هو بقي الاعتذار .. ؟وفين ال 3 شهور دول ان شاء الله

يمكن بقي يكون الحاجة الي انت قولتها صح .... انك فعلا عرفتني معرفة شخصية انت وميدو ... وان في حاجات اليومين دول مضايقاني شوية ويمكن تكون هي السبب في اني اسيب المنتدي ده والمنتديات التانية ومش بدخل كتير زي الاول ....

المهم في الاخر يعني انا كلامي ليكم كلكم اهو وشوفوا انتم بقي الحل ...

بس بقول اهو ده مش سبب رئيسي ...

سلام

لا اله الا الله ...

من: KRKR
إلى: احمـــــد رجب
أرسل في: الخميس 29 نوفمبر 2007 - 16:07
موضوع: اهو يعمنا شوف ..

بنى ادم ما تعرفش يعنى اية معنى الرجولة وبتريل على اى بنت للاسف طلعة لسة طفل بس ما فيش حد يقدر ينفضلى يا توتو
وانا مشيت لان لو كنت كملت كنت هتسمع اوسخ كلام ممكن ينقلك ومكنتش هكبر لح
وما تخلنيش احطك في دماغى لان الى زيك ما يستهلش ان الواحد يديلو اى اهتمام
سلام يا روح اما
اهو يعمنا كلامه اهو ..

سلام انا بقي ....

-------------------------------------------------
دى الرسالة اللى انت بعتهالى يا كريم صح
وواضح طبعا فيها التاريخ انها من حوالى شهرين
انا قولت فى الرد الاول من حوالى حوالى يعنى ما قولتش من
وبعدين الايام كلها بقت شكل بعضها شهرين زى ثلاثة
مش هتفرق كتير ده بخصوص التاريخ
اما بخصوص الاعتذار هو كلمنى على الايميل وقالى انه كلمك
وحاول يعتذرلك وانت مكنتش بترد عليه وقالى انه حاول يعمل ده
اكثر من مرة ولو مكنش عمل كده يبقي هو اللى بيكذب مش أنا
ده بالنسبة للموضوعين اللى انت قولت انا ما قولتهمش صح
اما بالنسبة لان السبب مش فى الموضوع ده
دى حاجة انا عارفها ومتأكد منها لانك بعدت عن كل المنتديات
بس جايز علاقتك كانت عادية فى المنتديات التانية
اما هنا انا كنت بعتقد انك اخ زى ما قولتلك
والحالة اللى انت بتمر بيها مش انت لوحدك بس اللى بتمر بيها
لا انا بعتقد ان الكل بيمر بيها وانا جايز واحد منهم
المهم بقي ان الواحد منا لازم يلاقى الصديق اللى يكون صديق بجد
فى الظروف اللى زى دي مش يبعد عن الناس ويعزل نفسه
انت اصغر منى بحوالى 9 سنين مش عارف كده الحسبة صح ولا غلط
عشان كده قولتلك حوالى وجايز انا بشوف الصورة من وجه نظري بشكل
وانت بتشوفها بشكل تاني لان كل واحد في الدنيا بيبقي ليه وجه نظره
وفي الاخر انت اخ زي ما قولتلك وكلنا طبعا نتمنى وجودك معانا
كريم البسمة أمير الفرفشة طبعا عارف اني اللى طلعت عليك اللقب ده
بجد انا مش عارف أقولك ايه بس كل اللى عاوز اقوله
انك اكيد محتاج لاصدقاء بجد ومش هتلاقي ده في حته تانى غير هنا

السلام عليكم ورحمة الله وبركاتة
احب اعرف الاول كل الى هيدخل ويقرا كلامى انى ما بحبش الكدب عشان كدة هتكلم معاكم
بكل صراحة اولا الرسايل دى صحيحة مية في المية ولا انكرها
بس يا ترى ما حدش سئل نفسة انا بعت الرسايل دى لية
يبقى تخلوكو معايا واحدة واحدة
انا بحب للعبة كمال الاجسام وبمارسها فلما دخلت المنتدى وما لاقتش قسم لكمال الاجسام
اقترحت على احمد رجب مع حفظ الالقاب ان يعمل منتدى كمال اجسام وقولتلة مش هتلاقى احسن منى مشرف لية بقصد المدعبة
لان حضرتكو لو لاحظتم هتلاقو اكتر مواضيعى في المنتدى الرياضى قبل انشاء قسم كمال الاجسام كانت كلها مواضيع كمال اجسام
عقلت هذة الكلمة مش هتلاقى احسن منى مشرف للقسم بقصد المدعبةلا االغرور
فمين الى شاف رسالتى الاخ كريم اعد يقولى انت مغرور ومش مغرور وقولت الكلام دة لاحمد رجب واحمد كلمة بعد الموضوع دة حولت افهم كريم قصدى وانا مش قصدى الغرور تجاهلنى ومسمعنيش اقولت اقرب منة دخلت عندة فيى قسم الفكاهة ونزلت موضوع رد علية وقلى انا قريت النكتة كذا مرة وحولت اضحك ما عرفتش ومع ذلك كان ردى بمنتهى الاخلاق والشياكو وقلتلة جزاك الله خيرا
قولت بردة بادر انت بالسلام وبعتلة رسالة خاصة بعتلة 2 وهبقى اعرضه عليكو عشان ما تقولوش دة كلام في الهوة
وفى يوم دخلت المنتدى فلقيت الاخت ااية فكلمتها ع الشات وانا بكلمها لاقيت الاخ كريم دخل سلمنا على بعض عادى وهزرنا بكل لطف فانا بهزر مع اية فلقيت الاخ كريم بيقولى خف بقي يا اسلام
فانا قولت حايز وجودى غير مرغوب فية فاستاذنت بكل ادب واخلاق وقلت التحية وخرجت من الشاتفلما خرجت رجعت بعدها بشوية فببص ع الشات ع الكلام الى اتكتب لاقيت اية كتبة هو زعل لية فرد عليها الاخ كريم قلها سيبك سيبك فسالتو تانى اية هو انا عملت حاجة فقلها نفضيلو بالله عليكم جميعا لو اى شخص مكانى في هذا المؤقف ماذا سيفعل اقدام الردود دى ولما يلاقى موضوع لية يعد يتريق ويعلق تعاليق لا تليق باى منتدى ولا تليق ان تقال لاى شخص مثلا افتكر عبارة اقلهالى كانت في كرسى اعتراف العضو ميدو بسالة سؤال رد علية الاخ كريم وقلى اركن في حتة نشفة
ورغم كل هذة الاساءت اقدم اعتذارى للاخ كريم امام الجميع وحصل خير واحنا اخوات والواحد بيبقى سعيد لما يلاقى مكان يجمعة باصحاب جميلة زيكم
وخالص تحياتى للجمميع

اعتقد كده وضحت الصورة للجميع
وكل واحد قال رأيه
يا ريت محدش يكتب فى الموضوع تانى
الا بكل خير يعنى اللى عنده كلمه حلوة
يقولها واللى معندوش يسكت
كريم لو كنت زعلان اسلام اعتذرلك
اسلام احييك على شجاعتك
ويا ريت تكونو كريم + اسلام = اخوات
ومنتظر الرد منكم معا كريم أولا ثم اسلام ثانيا
بما ان اسلام بادر بالصلح
لنري رأي كريم بسمة المنتدى وكمان أمير الفرفشة يلا يا عم
وبجد انا عارف ان اسلام محترم جدا زيك بالظبط يا كريم
وانا طردت أكثر من عضو لانهم مش محترمين
وأهم حاجة ليكم ولكل الاعضاء فى المنتدى
اننا نحافظ على الاحترام المتبادل بين الجميع
ونعتبر ما حدث سحابة شتاء هههههههههه مش صيف
لاننا فى الشتا ونرجع جميعا زى الاول
وسلامى وتحياتى لكم جميعا
شباب وبنات اري انهم نعم الاصدقاء

حصل خير يا جماعة خلاص يا كريم اسلام اعتذرلك والمسامح كريم وعايزين نرجع اخوات زى الاول

» أنا مين أول موضوع لو شاطر اعرف أنا مين
» حياتك مجرد رقم موضوع رائع
» لييييييييييييه؟؟ موضوع لذيذ مووت
» تعال شوف علاقة المشرف والعضو {موضوع رائع }
» كلمه( احبك).......... موضوع للنقاش وخصوصا الفتيات