| ادخل جاوب ثم إسأل | |
|
+8سفير&الحب ناصر صفا dolly new saladin فجـــ الحياة ـــر نغم الحياه توب سيكرت احمـــــد رجب 12 مشترك |
|
كاتب الموضوع | رسالة |
---|
احمـــــد رجب Admin
عدد الرسائل : 1674 العمر : 46 تاريخ التسجيل : 16/08/2007
| موضوع: رد: ادخل جاوب ثم إسأل 25/8/2007, 1:13 pm | |
| الاول اللخبطة حصلت لاننا ردينا في وقت واحد اجابة سؤالك : يمكن كتير بس في الحب الصادق والسبب هو اني بحب اكون متأكد من مشاعري جدا قبل ان اقولها .... وممكن تتقال كتير وبسهولة ولكن في حالة عدم الحب الصادق من باب التسلية او المجاملة السؤال : ماذا تفعل لو احببت فتاه ولا تستطيع الزواج منها لرفض اهلها لك مع موافقتها هي ؟ | |
|
| |
توب سيكرت مشرف القسم العام
عدد الرسائل : 477 العمر : 40 تاريخ التسجيل : 20/08/2007
| موضوع: رد: ادخل جاوب ثم إسأل 25/8/2007, 2:24 pm | |
| طيب ايه المحيل فى كده طبيعى انك مش هترتبط بيها او ده رايى على الاقل وده حاصل معايا فعلا يعنى ازاى مثلا ارتبط بيها من ورا اهلها اه احنا بنحاول نقنع اهلها وبصراحه هى بتتعذب اوى بس اهو ربنا يسهل السؤال:ايه اكتر موقف حصلك وحسيت بعده انك لازم ترجع لربنا وهل فعلا رجعتله؟ | |
|
| |
dolly مشرفة قسم الاغاني الاجنبية
عدد الرسائل : 386 العمر : 39 تاريخ التسجيل : 19/08/2007
| موضوع: رد: ادخل جاوب ثم إسأل 25/8/2007, 2:32 pm | |
| اه لما انجرحت من اللى منت فاكراه بيحبنى ويقولى بكل برد انا خطبت يمكن الدنيا كلها متوزنش جرحى رجعت لله وسمعت من عمرو خالد ان لما يكون الواحد فى ازمه يحفظ سور ويصلى بيها باليل لوحدة وفعلا واختارت سوره قاف (ق) اد ايه بس لما سمعتها الاول من العجمى ياخرابى فعلا تخلى الانسان يحترم نفسه وفعلا صليت بيها ليالى بدموعى وربنا رجعلى كرامتى ع طبق من زمرد سؤالى لو حبيبك وحشك اوى اوى ومتغلب عليك الاحساس دة جامد وانت المفروض متكلموش لانه غلط فى حقك هتعمل ايه؟ | |
|
| |
توب سيكرت مشرف القسم العام
عدد الرسائل : 477 العمر : 40 تاريخ التسجيل : 20/08/2007
| موضوع: رد: ادخل جاوب ثم إسأل 25/8/2007, 2:37 pm | |
| لو كنتى صليتى بالدموع دى تقرب من ربنا كان هيبقى احسن كتير من انك بتصليها علشان تنسى حد ماعلينا هاجى على نفسى واتصل بيه واللى بيحب اكيد بيسامح على راى اسامه منير السؤال:حد كان فى بينكم حب كبير اوى وفجاه ومن غير اى حاجه بيعتلك رساله يقولك انسانى ومتحاولش تتصل بيا تعمل ايه؟ | |
|
| |
احمـــــد رجب Admin
عدد الرسائل : 1674 العمر : 46 تاريخ التسجيل : 16/08/2007
| موضوع: رد: ادخل جاوب ثم إسأل 25/8/2007, 2:37 pm | |
| حسب نوع الغلط اللى غلطه معايا يعني لو حاجة بسيطه وانا مش بكلمة عشان يعرف اني زعلان ولكن انا ناوى اكمل معاه يبقي أكيد هاكلمه اما لوانا مش ناوي اكمل معاه هاقفل الموضوع وادوس على قلبي وبعد فترة اكيد هاكون احسن السؤال : لماذا لا نلجأ الى الله الا في وقت الشده ؟ | |
|
| |
dolly مشرفة قسم الاغاني الاجنبية
عدد الرسائل : 386 العمر : 39 تاريخ التسجيل : 19/08/2007
| موضوع: رد: ادخل جاوب ثم إسأل 25/8/2007, 2:45 pm | |
| اتمنيت انك انت اللى تجاوبنى يا احمد بثق فى رأيك اوى يمكن لان ربنا هوة اللى بيحطنا فى وقت الشده عشان نرجعله وياريتنا نعرف دة انربنا من كتر حبه لينا وبيضيقها علينا عشان بيحب يسمع صوت استغاثتنا بيه ونقرب منه اكتر واكتر وطبعا وقت الشدة الانسان بيحس بضعفه فبيروح للقوى مالك الملك ذو اجلال والاكرام سؤالى هل الاغانى بتأثر على حالتك يعنى لما تكون مجروح وتسمع اغنيه جرح او اغنيه وحشه للحبيب بتأثر عليك ولا عادى؟ | |
|
| |
shetos585 منتدي الروائع والاحلام
عدد الرسائل : 235 العمر : 40 تاريخ التسجيل : 25/08/2007
| موضوع: رد: ادخل جاوب ثم إسأل 25/8/2007, 2:46 pm | |
| ان لم نلجاء الى الله فى السراء والضراء عموما فلمن نلجأ اذا سؤالى : ايه اجمل 3 حاجات فى الدنيا بالنسبالك؟؟؟؟؟؟ | |
|
| |
dolly مشرفة قسم الاغاني الاجنبية
عدد الرسائل : 386 العمر : 39 تاريخ التسجيل : 19/08/2007
| موضوع: رد: ادخل جاوب ثم إسأل 25/8/2007, 2:52 pm | |
| اجمل 3 حاجات الحب الاطفال رضا الانسان عن حاله وثقته بالله | |
|
| |
توب سيكرت مشرف القسم العام
عدد الرسائل : 477 العمر : 40 تاريخ التسجيل : 20/08/2007
| موضوع: رد: ادخل جاوب ثم إسأل 25/8/2007, 2:52 pm | |
| اجمل حاجه يا ايمن بحبها اوى الاعتكاف فى رمضان بجد بموت فيه واخواتى واهلى وحد كان غالى عليا اوى ما مدى اقتناعك بالمثل اللى بيقول الطيور على اشكالها تقع؟ | |
|
| |
dolly مشرفة قسم الاغاني الاجنبية
عدد الرسائل : 386 العمر : 39 تاريخ التسجيل : 19/08/2007
| موضوع: رد: ادخل جاوب ثم إسأل 25/8/2007, 2:56 pm | |
| بعترف بيه اوى زى ماجمع الا ماوفق وفى ايه بالقرآن الطيبون للطيبات والخبيثون للخبيثات سؤالى محدش جاوبنى عليه هل الاغانى بتأثر على حالتك يعنى لما تكون مجروح وتسمع اغنيه جرح او اغنيه وحشه للحبيب بتأثر عليك ولا عادى؟ | |
|
| |
توب سيكرت مشرف القسم العام
عدد الرسائل : 477 العمر : 40 تاريخ التسجيل : 20/08/2007
| موضوع: رد: ادخل جاوب ثم إسأل 25/8/2007, 3:05 pm | |
| والله على حسب شخصيه اللى بيسمع فى ناس بتتاثر بالاغانى وناس لا حتى لو كانت الاغنيه ماثره فعلا السؤال:هل لو حد اتقدملك مرتاح ماديا بس معاه دبلوم او مش معاه توافقى ترتبطى بيه وللشباب لو متقدم لاختك توافق؟ | |
|
| |
shetos585 منتدي الروائع والاحلام
عدد الرسائل : 235 العمر : 40 تاريخ التسجيل : 25/08/2007
| موضوع: رد: ادخل جاوب ثم إسأل 25/8/2007, 3:08 pm | |
| انا مش عارف يا بيدو من ساعة ما اشتركت وحاسس انك مش طبيعيه وفى حاجه بس عموما اجابة سؤالك يعنى اكيد لما الواحد بيمر بظروف معينه ويسمع اغنيه بتحكى فيها الظروف دى بيتأثر بيها .................... سؤالى : ايه هدفك فى الحياة ؟؟؟؟؟؟ | |
|
| |
dolly مشرفة قسم الاغاني الاجنبية
عدد الرسائل : 386 العمر : 39 تاريخ التسجيل : 19/08/2007
| موضوع: رد: ادخل جاوب ثم إسأل 25/8/2007, 3:14 pm | |
| مصطفى التوافق التعليمى مطلوب بس دبلوم اوك لكن اقل لا طبعا انا من ناحيتىالدبلوم مش فارق كتير انا اختى جامعيه واخدت دبلوم ومكانش مستريح ماديا ولا حاجة بس خدوهم فقرا يغنيكوا الله وتعالى شوفهم دلوقتى ومتهيألى فى بيتهم كل واح مش معلق شهادته ع ظهره اهم حاجة انه يفرض شخصيته الكويسه هدفى فى الحياه ضاع ومعنديش هدف هيه ايام واتحسبت علينا وخلاص | |
|
| |
توب سيكرت مشرف القسم العام
عدد الرسائل : 477 العمر : 40 تاريخ التسجيل : 20/08/2007
| موضوع: رد: ادخل جاوب ثم إسأل 25/8/2007, 3:17 pm | |
| سؤالك يادودو؟ بس هو موضوع خدوهم فقرا يغنيكم الله ده ايه حديث ولا مثل ولا ايه؟ لان حاليا خدوهم فقرا تفتقروا معاهم وتشحتوا انتم الاتنين | |
|
| |
احمـــــد رجب Admin
عدد الرسائل : 1674 العمر : 46 تاريخ التسجيل : 16/08/2007
| موضوع: رد: ادخل جاوب ثم إسأل 25/8/2007, 3:33 pm | |
| ليه كده بس يا احمد الفقر والغني بيد الله وبمناسبة الموضوع ده ممكن الواحد يتجوز واحدة تكون سبب في سعده وواحد تانية تفقرة لانهم اعتاب كما حدث مع ابراهيم عليه السلام ودي قصة طويلة لكن في النهاية الفقر والغني بيد الله وموضوع الشهادة لا علاقه لها بشخصية الانسا ن هناك ناس مثقفه جدا ولا تحمل شهادات وهناك ناس معها اعلى الشهادات وللاسف في منتهي الجهل والتخلف واللى شاف موضوع الفلاح على دريم مع منى هيصدق الكلام ده السؤال : ما هو الجهل ؟ | |
|
| |
توب سيكرت مشرف القسم العام
عدد الرسائل : 477 العمر : 40 تاريخ التسجيل : 20/08/2007
| موضوع: رد: ادخل جاوب ثم إسأل 25/8/2007, 3:50 pm | |
| الجهل الحقيقى انك تكون تجهل انك تجهل وكما قال الشاعر مصيبتى فيه مصيبتان انه يجهل وانه يجهل انه يجهل حد فاهم حاجه ولا اشرح ماهو ناقصاكم هههههههههههههه السؤال: ايه افضل امنياتك اللى اتحققت وايه اللى متحققتش؟ | |
|
| |
shetos585 منتدي الروائع والاحلام
عدد الرسائل : 235 العمر : 40 تاريخ التسجيل : 25/08/2007
| موضوع: رد: ادخل جاوب ثم إسأل 25/8/2007, 4:43 pm | |
| اتمنية انى اكبر ولما كبرت تمنيتى انى ارجع صغير تانى ودى الى ما اتحققتش السؤال:- مين الشخص الى بتحب اسلوبه فى الممنتدى؟؟؟؟؟؟؟؟؟ | |
|
| |
توب سيكرت مشرف القسم العام
عدد الرسائل : 477 العمر : 40 تاريخ التسجيل : 20/08/2007
| موضوع: رد: ادخل جاوب ثم إسأل 25/8/2007, 5:02 pm | |
| لا ياراجل دى مش امنيه لان دى كانت امنيتنا كلنا | |
|
| |
نيرى منتدي الروائع والاحلام
عدد الرسائل : 76 العمر : 36 تاريخ التسجيل : 16/08/2007
| موضوع: رد: ادخل جاوب ثم إسأل 25/8/2007, 7:11 pm | |
| السلام عليكم اولا موضوع اكتر من رائع ثانيا مشكورين ثالثا اما الاجابة ع السؤال إن بصراحة كل عضو هنا ليه اسلوبه وطريقته فى اختيار مواضيعه وبصراحه كل عضو هنا بيعجبنى اسلوبه واذكر منهم مثلا نغم الحياة واحمد رجب وميس نانى ومصطفى وغيرهم كتييييييييييييييير تسمحولى اسال سؤالى ايه مدى علاقتك بربنا؟ او بمعنى اقصده انا بتعمل ايه عشان تبقى قريب من ربنا؟ | |
|
| |
shetos585 منتدي الروائع والاحلام
عدد الرسائل : 235 العمر : 40 تاريخ التسجيل : 25/08/2007
| موضوع: رد: ادخل جاوب ثم إسأل 25/8/2007, 9:11 pm | |
| الحمدلله الواحد بيحاول يعمل كل الى يقدر عليه علشان تكون العلاقه مع الله قويه والواحد ميقدرش يجزم مدى العلاقه ........... اما الواحد بيعمل ايه علشان نقرب من ربنا .. فده بالحفاظ على الصلاة اهم حاجه دلوقتى والاكثار من الاعمال الصالحه ... اللهم تقبل منا الصيام والصلاة والزكاه و\وقربنا من كل عمل يقربنا اليك السؤال: من الشخص الى بتعتبره الاب الروحى ليك ؟؟؟؟؟ | |
|
| |
dolly مشرفة قسم الاغاني الاجنبية
عدد الرسائل : 386 العمر : 39 تاريخ التسجيل : 19/08/2007
| موضوع: رد: ادخل جاوب ثم إسأل 25/8/2007, 9:42 pm | |
| حكايه الاب الروحى يعنى اكون اتعلمت منه او استفدت مش عارفه ارد بس اقدر اقولك الشخصيه اللى اثرت فى تكوينى كشخصيه ووجهتنى للصح عمرو خالد ودة كان سبب انى اكون ملتزمه فى الصلاه وسيدنا عمر بن الخطاب لانى دراستى للتاريخ وعملت بحث فى احدى سنوات دراستى عنه خلت الشخصيه دى قريبه منى واتعلمت منه كتير سؤالى لو انت فى فتره محتاج للحب ومالكش حبيب تعمل ايه عشان تحس بمشاعر الحب تدخل فى علاقه انت عارف انها وقتيه يعنى لوقت معين ولا تكتفى بالاحلام ولا تنتظر من يشاركك حبك الحقيقى ولو بعد حييييييييييييين | |
|
| |
نيرى منتدي الروائع والاحلام
عدد الرسائل : 76 العمر : 36 تاريخ التسجيل : 16/08/2007
| موضوع: رد: ادخل جاوب ثم إسأل 25/8/2007, 9:58 pm | |
| من رايى انى اكتفى بالاحلام الى حين ميسره ههه يعنى لحد مايجى الفرج ايه اجمل حاجة تفرحك؟ | |
|
| |
MISS_NANY27 نائب المدير العام
عدد الرسائل : 2238 العمر : 46 تاريخ التسجيل : 16/08/2007
| موضوع: رد: ادخل جاوب ثم إسأل 25/8/2007, 10:29 pm | |
| أكتر حاجة تفرحنى ضحكة طفل صغير من قلبه سؤالى هو ليه الاخلاص والوفاء فى علاقات الناس بقى نادر اليومين دول | |
|
| |
shetos585 منتدي الروائع والاحلام
عدد الرسائل : 235 العمر : 40 تاريخ التسجيل : 25/08/2007
| موضوع: رد: ادخل جاوب ثم إسأل 25/8/2007, 10:35 pm | |
| بسبب حب النفس الناس بتحب نفسها اكتر من اى حاجه تانيه ............ سوالى : - ايه معنى السعاده بالنسبالك ؟؟؟؟؟؟؟ | |
|
| |
MISS_NANY27 نائب المدير العام
عدد الرسائل : 2238 العمر : 46 تاريخ التسجيل : 16/08/2007
| موضوع: رد: ادخل جاوب ثم إسأل 25/8/2007, 10:46 pm | |
| السعادة شئ نسبى يمكن اكتر حاجة تفرحنى انى اشعر بسعادة أقرب الناس ليا سؤالى هو ما هو أكتر شئ يثير أعصابك وينرفزك بجد | |
|
| |
| ادخل جاوب ثم إسأل | |
|