الفرق بين المرأه في السنه الاولى من الزواج والسنه العاشره ((مع أول سنة من الجواز)) تشير الساعه الى 6:30 صباحا تودع زوجها وهو طالع للعمل وتقول له بالسلامه يا حبيبي الساعه 11 صباحا تتصل بيه في الشغل وتقول له حبيت اسمع صوتك بس ياعمرى الساعه 3 العصر تستقبله وهى متشيكه وتبوسه وهو داخل البيت وتقول له الغدا جاهز يا حياتي ..تحب احطه لك فين ؟ الساعه 5 العصر تصحيه من النوم ببوسه.. وتقول له اعمل لك شاي يا حبي ؟ الساعه 6 المغرب تسبل عيونها وتقول بكل خجل يا ريت يا حبيبي .. يعني لو ليا غلاوة عندك .. يعني اذا تقدر توديني شوية لبيت اهلي اذا كنت تقدر يا عمري وقبل ما ينطق بكلمه ( اذا ما تقدر خلاص مش لازم ) وطبعا يضيع هو في نظره من عيونها ويوديها لاهلها ولو انهم ساكنين في السويدي وهو ساكن في العليا الساعه 8 بالليل تتصل على الموبايل وتقوله ( اشتقت لك يا عمري .. يا ريت تيجى تاخدنى ونروح سوا للبيت ) وطبعا هو عارف ايه اللى هايحصلوا في البيت فيعتذر ويقول للشباب اسف والله يا شباب اصلى انا مصدع ولازم امشى الساعه 10 بالليل تجلس في حضنه وتقول ( الله يا حبي فاكر ؟ فاكر ايام الخطوبه لما كنت تعمل المستحيل عشان تشوفني ..وانا يا ما كذبت على بابا وقلت له اني طالعه مع امي وانا اصلا متفقه مع امي عشان اطلع معاك ) ____________________________________________ ((بعد مرور عشر سنين)) (شوف الفرق وأحكم يامعلم)؟؟ الساعه 6:30 صباحا هي في سابع نومه الساعه 11 صباحا هي برضه في سابع نومه الساعه 3 العصر تستقبله وهي نافخه وشخها وارفانة وتقول ( شف لي حل مع إبنك انا إرفت منك ومنه ..لغاية دلوقتى محلش الواجب .. وبنتك ربنا ياخذ عمرها انشاء الله شقية جدا وقطعت لبسها وهى فى المدرسه …أدينى فلوس لازم اروح اشتري لها واحد غيره … والشغالة دى أرفتنى مبتعرفش تعمل حاجة ….اسمع يا انا يا الشغاله في البيت دة….اطردها دلوقتى حالا ومتتأخرش ثانية واحدة ..وجبلى شغالة تانية وإياك تكون حلوه …..يا ويلك ويا سواد ليلك لو حلوه ….. و …و …..و الساعة 5 العصر هي تفك خناقة بين الواد والبنت (ولادهم) ويصحى هو على صوتها وهي تزعأ وتدعي عليهم بجميع الامراض الخطيره الحديث منها والقديم ( إلهى يجلكم للطاعون …والحمى …يارب يجلكوا صداع زى ماصدعتونى الخ ) الساعه 6 المغرب هو جالس يشرب الشاي وهي تقول ( عايزة اروح لامي عشان بنت خالة جد ابو عم بابا جه من السفر ..وبعدين ودينى بعد كدة اروح اشتري للبنت مريلة جديدة ..وبعدين بنت عمي والده ولازم اروح اشتري ليها هديه من وسط البلد ..وبعدين ودينى عند اختي في حلوان ...من زمان ما شفتهاش ………….. الساعه 8 بالليل تتصل على الموبايل ( انت فين ؟ وبعدين نفسى اعرف بتروح فين ؟ ومين اللي معاك ؟ وبتعملو اية؟ وهتيجى امتى؟ ماليش دعوى اخلص تعالالى دلوقتى حالا وإياك تتأخر..قدامك عشر دقابق ومتقوليش ازاى!! ) الساعه 10 بالليل جالس هو بيتفرج على التلفزيون ..اخيرا هدوء ..والعيال نايمين ..والجو جميل .. وفجأه تطلعلة وهي بوزها شبرين وتقول ( امك لية بتبصلى بأرف اخر مرة رحنلها ها ماترد؟ هاه ؟ ) ( والله ما اعرف وهى لية هتبصلك بأرف), ( واختك اية الحركات اللي بتعملها معايا دى …بقى تعزم الجيران وكل حريم اخواتك الا انا ؟؟؟ …اصلا هي ما زارتني في المستشفى يوم لما ولدت وانا فاهمه قصدها ..لكن والنعمة والنعمة ما زيراها لما تولد ……وبعدين بنات عمك مالهم نفشين ريشهم اوى كدة ؟؟ على اية معرفش ….على جمالهم ولا على اية ياحسرة ) تسكت شوية بعدين قوللى ( اة صح بقى اختك نورا بتقول على ابنك انة شبهى... وانة مش شبهك انت... قصدها إيه نفسى اعرف؟؟ هاه ) انا فاهمه قصدها ماشى ماشى لما اشوفها بس تسكت شويةوبعدين تقول ( وبعدين اخوك شاري لمراته ساعه بألفين جنيه) يرد ( طيب اية المشكله ؟ ) ( وانا لية ما تشتريش ليا واحدة زيها ..ولا انا مستهلش ..ولو هي يعني احسن مني … دة انا حتى بطبخ احسن منها ) يرد هو ( خلاص هاشتري ليكى ساعه ) تتعصب وتقول ( اة انت بتسكتنى وبس ….والله شكلك ما هتشتريهالى ولا حاجة ) ( لية بتقولى كدة بس يا بنت الحلال ؟ ) تقوم وهى بتعيط خلاص خلاص مش عايزة منك حاجة! الساعه 11 بالليل هي زعلانه ونايمه مع العيال وهوبيلعن اليوم الي اتخبط فية فى نفوخه واتجوزها.... ويريت الردود متنسوش
21/8/2007, 8:17 pm
