| عايزه رايكم | |
|
+6سفير&الحب dolly فجـــ الحياة ـــر نغم الحياه نيرى wissam 10 مشترك |
كاتب الموضوع | رسالة |
---|
wissam مشرفة قسم الصور
عدد الرسائل : 113 العمر : 34 تاريخ التسجيل : 16/08/2007
| موضوع: عايزه رايكم 22/8/2007, 6:40 pm | |
| انا كنت عايزه اخد رايكم فى حاجه كنت عايزه اعرف هو ممكن لما تحب انسان وهو كمان بيحبك بس انت مش بتشوفه عالطول يعنى ممكن حبه ليك يقل او يعنى ممكن يلاقى حد يعوضه اللحظه اللى انت مش معاه فيه يعنى زى ما بيقولو (البعيد عن العين بعيد عن القلب) وليه اوقات الانسان مش بيقدر الظروف اللى بتخليك مش بتشوفه ويحملك انت المسؤوليه معلش يمكن موضوعى ملوش لزمه او مش عارفه اعبر عنه كويس بس لانى انا بمر بالموضوع ده ومش عارفه هل ممكن تخسر شخص بتحبه من الموضوع ده واسفه لو طولت
| |
|
| |
نيرى منتدي الروائع والاحلام
عدد الرسائل : 76 العمر : 36 تاريخ التسجيل : 16/08/2007
| موضوع: رد: عايزه رايكم 22/8/2007, 8:19 pm | |
| ازيك الاول يا وسام الى بيقول انالى بعيد عن العين بعيد عن القلب ده من رايى غلطان لان لو فيه انسان فى قلبه حد مايقلش حبه ليه سواء بئا قريب ولا بعيد مش شرط واسفه على الاستطاله | |
|
| |
wissam مشرفة قسم الصور
عدد الرسائل : 113 العمر : 34 تاريخ التسجيل : 16/08/2007
| موضوع: رد: عايزه رايكم 22/8/2007, 10:11 pm | |
| اول حاجه انا الحمد لله كويسه ثانياً مشكوره جداً يا قمر على ردك وبجد انا سعيده لردك مشكوره | |
|
| |
نغم الحياه مشرفة قسم الصور
عدد الرسائل : 313 العمر : 36 تاريخ التسجيل : 20/08/2007
| موضوع: رد: عايزه رايكم 23/8/2007, 6:44 am | |
| لا طبعا ياقمر ليه لزمه ونص وانا حتي كنت لسه هعمل الموضوع ده وبصي بقا يا جميله انا راي ان مش دايما ان البعيد عن العين بعيد عن القلب لان ساعات البعد ده ممكن يقربكوا من بعض اكتر لانك انتي والشخص اللي بتحبيه بتشتاقوا لبعض اكتر ده حتي لو فيه اتنين متجوزين وعلي طول بيتخانقوا دايما تلاقي الناس اللي حواليهم تنصحهم انهم يبعدوا عن بعض فتره وانا شايفه ان البعد ده بيزود الشوق والحب في قلبين الاتنين اللي بيحبوا بعض اما بقا بالنسبه ان الانسان مش بيقدر الظروف اللي بتخلي الشخص التاني يبعد عنه لفتره فده لان الحب بطبعه اناني مش اناني بمعني اناني لكن اقصد انك لو بتحبي شخص بتبقي عايزه تكوني موجوده في حياته ليل نهار اربعه وعشرين ساعه ولو لما بتلاقي الطرف التاني بيبعد عنك حتي لو غصب عنه يبدأ يتوهم ان الطرف التاني ده مش بيحبه ومش فارق معاه يشوف ولا لاء يعني غصب عنه بيفكر بالاسلوب ده وانتي لازم تعذريه ولازم تفهميه يارب اكون قدرت اوصلك قصدي يا عسل وربنا يوفقك يا جميل | |
|
| |
فجـــ الحياة ـــر مشرف مشتاقون الى الفردوس
عدد الرسائل : 1047 العمر : 40 تاريخ التسجيل : 16/08/2007
| موضوع: رد: عايزه رايكم 23/8/2007, 8:23 am | |
| بصى يا وسام انا مع نغم وعلى فكرة كل ما البعد زاد كل ما الحب زاد
دى وجة نظرى
فالبعيد عن العين ليس دائما بعيد عن القلب , و القريب من العين ليس دايما قريب من القلب ..
فقريب القلب يبقى قريبا وان بعد عن العين ,,,, وبعيد القلب يبقى بعيدا وان قرب من العين.. نعم
قريب القلب يبقى في القلب وان بعدت دروبه وثقلت ظروفه وصعبت على العين رؤيته فللقلب عيون
وعين القلب لا تميز بين حسنات وسيئات من تهوى... ولكن هل للعين قلب يبصر القريب منها
فيعشقه؟ ويفتقد البعيد عنها وينساه .؟ فكم من بعيد يشاركنا الدم وتراه أعين القلب قريبا ,,,,وكم من
قريب يشاركنا ساعات الأيام وثوانيها ولا تبصره عين القلب........
ارجوا اكون قد وفقت فى مساعدتك | |
|
| |
wissam مشرفة قسم الصور
عدد الرسائل : 113 العمر : 34 تاريخ التسجيل : 16/08/2007
| موضوع: رد: عايزه رايكم 23/8/2007, 4:09 pm | |
| بجد مشكوره جداً يا نعم وشكراً ليك يا تامر وبجد انا الموضوع ده تعبنى جداً وكل ما اقتنع بالكلام اللى انتو بتقولوه وزى ما انا بقول برجع وبجاف من البعد ده وكمان لانه بيسببلى مشاكل كبيره مع الطرف التانى يعنى البعد بقى مشكله اساسيه عندنا وبجد شكراً لمساعدتكم مشكوره جداً | |
|
| |
dolly مشرفة قسم الاغاني الاجنبية
عدد الرسائل : 386 العمر : 39 تاريخ التسجيل : 19/08/2007
| موضوع: رد: عايزه رايكم 23/8/2007, 4:24 pm | |
| بصى ياوسام يمكن انا وانتى متكلمناش فى موضوع قبل كدة بس احب اقولك رأى جايز يفيدك رغم ان نغم وتامر قالوا كل حاجة بس اوك انا معاهم ان القريب من القلب قريب حتى لو ايه بس برضه البعد وحش يعنى مثلا حبيبى واحشنى اوى النهاردة وعاوزة اشوفه اجيبه منين تعبت ومحتجاه جنبى هلاقيه منين صدقينى الاحباب فى حاجات مجنونه زى يهف عليه اشوفه النهاردة منين وفين وهوة بعيد والبعد احيانا من كتر القلق يولد الشك هيه لو بتحبنى ماتبعدش ومن كتر البعد القلب بيزعل وربنا مايوريكى زعله القلب الللى انا بعانى منها حاليا تخيلى لما يكون قلبك جواكى زعلان من حبك الوحيد ياااااااااااهلو تسمعى بكاؤه كنت بضحك لما حد يقول القلب بيبكى لااااااااااا حستها اوى فصدقينى البعد ليه مساوىء كتير اكتر من انه بيولد الشوق ولما يولد الشوق ومش بيدك تطفى شوقك هتعملى ايه شوقك هيموت جوة قلبك اما لو الطرف التانى زعلان من البعد اعزريه ولو مش مقدر فهميه براحه بتمنى تقبلى كلامى | |
|
| |
wissam مشرفة قسم الصور
عدد الرسائل : 113 العمر : 34 تاريخ التسجيل : 16/08/2007
| موضوع: رد: عايزه رايكم 23/8/2007, 4:40 pm | |
| دودو بجد شكراً على الرد
عايزه اقولك حاجه لا تتخيلى اد ايه انى بقيت بخاف من اى كلمة فراق يعنى مثلاً لما يحصل مشكله عارفه اول حاجه بتيجى فى بالى اننا هنتفارق وتتخيلى الظنون والشكوك برغم انا السبب بيكون منى وبرغم اننا بنعدى الموضوع بس ببقى مستنيه الفراق فى اى لحظه وبجد اسفه لو طولت عليكى بس يعنى انا لقيتكم بجد بتسمعونى وبحاول اتكلم لانى تعبت من عدم الكلام وبجد مشكورررررررررررره جداااااااااا ليكى وليكم جميعاً | |
|
| |
dolly مشرفة قسم الاغاني الاجنبية
عدد الرسائل : 386 العمر : 39 تاريخ التسجيل : 19/08/2007
| موضوع: رد: عايزه رايكم 23/8/2007, 11:28 pm | |
| بصى ياوسام كلنا نخاف الفراق بس لو الفراق هوة الحل خلاص اوك وربنا مايجيب فراق بس ماتفضليش خايفه كدة كدة مش صح | |
|
| |
سفير&الحب منتدي الروائع والاحلام
عدد الرسائل : 171 العمر : 33 تاريخ التسجيل : 19/08/2007
| موضوع: رد: عايزه رايكم 24/8/2007, 10:13 pm | |
| بصى او بصى اصل انا مش عارف اسم وسام بنت ام ولد المهم هو المثل صحيح بس لو بتحبى او بتحبه بجد حب صادق مش ممكن تنسها او تنسى ده لو كان قلبك مفهوش غيره اما اذا كان فى حد تانى ممكن يعوض البعد ده فا مفيش مانع بس فى حاجة هل هو بيحبك ؟ | |
|
| |
wissam مشرفة قسم الصور
عدد الرسائل : 113 العمر : 34 تاريخ التسجيل : 16/08/2007
| موضوع: رد: عايزه رايكم 24/8/2007, 10:51 pm | |
| شكرا لردك يا سفير ايوه لازم اخاف لما يكون فى حد يعوض البعد
بس انا متاكده من حبه ليا بس مش عايزه من كتر ثقتى فى الحب ده انى اقول استحاله حد ياجى يعوض غيابى ومشكور يا سفير وعلى فكره انا بنت ومعاكم فى اللينكnoerkoko | |
|
| |
نغم الحياه مشرفة قسم الصور
عدد الرسائل : 313 العمر : 36 تاريخ التسجيل : 20/08/2007
| موضوع: رد: عايزه رايكم 25/8/2007, 3:02 am | |
| ياسلام طبعا ياقمر لازم نسمعك امال احنا فايدتنا ايه
وعايزه اقولك علي حاجه رغم انه هو يمكن يكون بيزعل منك في اوقات بسبب البعد ده لكن اكيد هو من جواه متاكد ان ده غصب عنك بس بيدلع عليكي شويه ههههههههه ربنا يوفقك يا قمر ويتمملك علي خير وربنا مايجيب فراق ابدا | |
|
| |
wissam مشرفة قسم الصور
عدد الرسائل : 113 العمر : 34 تاريخ التسجيل : 16/08/2007
| موضوع: رد: عايزه رايكم 25/8/2007, 3:53 am | |
| مشكوره يا نغم يا قمر انتى ممكن يكون دلع واللى متاكده منه انه كمان حب ويارب ما يجيب فراق ابداً مشكورررررررررررره يا قمر | |
|
| |
ناصر صفا مشرف قسم التعارف
عدد الرسائل : 149 العمر : 39 تاريخ التسجيل : 18/08/2007
| موضوع: رد: عايزه رايكم 25/8/2007, 9:54 am | |
| انا راىى ان اللى بيحب بجد مهما طال الفراق مش ممكن حبه يقل للانسان اللى بيحبه | |
|
| |
نانو مشرفة قسم الديكور
عدد الرسائل : 60 العمر : 43 تاريخ التسجيل : 16/08/2007
| موضوع: رد: عايزه رايكم 25/8/2007, 2:38 pm | |
| صدقينى يا وسام من اختك الكبيره الى عمرها ما حبت غير مره واحده بس فى حياتها ان اصعب لحظه ممكن يعشها انسان انه لما يحتاج حبيبه ميلقهوش مش شرط علشان مش بيشوفه ممكن يكون بيشوفه و معاه بس مش لاقيه احساس صعب جدا ربنا ما يحكم على حد بيه ممكن حجات كتير تعوض الروئيا حاليا زى التليفون و الموبيل و النت لكنك لابد دايما تكونى جنبه و حواليه بحنيه و هدوء لأن فى ناس بتفسرها انها خنقه بس هو ده الأحتواء و قت ما يحتاجك حاولى على قد ما تقدرى تكونى جنبه و لو مقدرتيش يكون هو مقدر ان ده شئ خارج عن أردتك و مش هو ده الشئ الطبيعى ......... ربنا يوفقكم. | |
|
| |
توب سيكرت مشرف القسم العام
عدد الرسائل : 477 العمر : 39 تاريخ التسجيل : 20/08/2007
| موضوع: رد: عايزه رايكم 25/8/2007, 3:24 pm | |
| والله ياوسام انا شايف ان ساعات البعد بيبقى كويس وساعات بيبقى وحش ازاى اقولك يعنى فعلا ساعات لما اتنين يبعدوا عن بعض حبهم يزيد نتيجه شوقهم لبعض وساعات لما يبعدوا عن بعض كل طرف يقول لنفسه لو بيحبنى بجد مش هيتحمل يبعد عنى كده يبقى اكيد مش بيحبنى وعموما ربنا يوفقك وحاولى نصيحهع ماتبعديش عن اللى بتحبيه حتى لو كان فى ظروف | |
|
| |
احمـــــد رجب Admin
عدد الرسائل : 1674 العمر : 46 تاريخ التسجيل : 16/08/2007
| موضوع: رد: عايزه رايكم 25/8/2007, 3:44 pm | |
| انا مش عارف هما قالوا ايه بس رأيي ممكن يكون مختلف عنهم وده عن تجربة الحالة دي بتحصل في سن 17 ، 18 الى 21 سنة وده طبيعي في السن ده ممكن الواحد يتعلق باكثر من شخص مش عشان بعيد لا يعني وهو معايا بحس اني بحبه ولو فيه واحد تاني ظهر بحس اني بحبه برضوا ولما يرجع الاول احس بالحب مرة اخرى وهكذا وده في فترة المراهقة فقط ويا ريت اكون قدرت اشرحلك صح ومع احترامي كل ده مش حب لسه بدري قوى على الحب اللى بجد | |
|
| |
wissam مشرفة قسم الصور
عدد الرسائل : 113 العمر : 34 تاريخ التسجيل : 16/08/2007
| موضوع: رد: عايزه رايكم 26/8/2007, 12:34 am | |
| شكرا يا ناصر واكيد مفيش حد بينسى حد حبه فى يوم بس المهم انه ميجيش الفراق هو اللى يفرق بينهم شكر ا يا اختى العزيزه نانو على ردك وعلى كلامك الجميل مشكوره جدا | |
|
| |
wissam مشرفة قسم الصور
عدد الرسائل : 113 العمر : 34 تاريخ التسجيل : 16/08/2007
| موضوع: رد: عايزه رايكم 26/8/2007, 12:45 am | |
| شكرا لردك يا حماده مشكور جدا شكرا يا احمد على رئيك احمد معلش بجد انا مش فاهمه اللى انت بتقوله ايه من سن 17او18الى21 بعد اذنك يا احمد فهمنى بعد ما تقرا الموضوع مشكور | |
|
| |
احمـــــد رجب Admin
عدد الرسائل : 1674 العمر : 46 تاريخ التسجيل : 16/08/2007
| موضوع: رد: عايزه رايكم 26/8/2007, 10:09 am | |
| المقصود بالسن ده هو فترة المراهقة يعني الواحد فيها بيكون متقلب المشاعر ومتقلب المزاج ممكن يغير رأيه في اي حاجة واي حد بسرعة وبسهولة لان الحب اللي بجد لما الحبيب بيغيب بيزداد الشوق اليه أكثر مش بنعوضة بشخص بديل انا مش عارف انا قادر اوصلك اللي بفقصده ولا لأ بس لو عاوزة توضيح حاجة قوليلي | |
|
| |
wissam مشرفة قسم الصور
عدد الرسائل : 113 العمر : 34 تاريخ التسجيل : 16/08/2007
| موضوع: رد: عايزه رايكم 26/8/2007, 2:04 pm | |
| احمد انا قصدى لما تحب انسان وانت مش بتشوفه عالطول ممكن حد ياجى يعوض فترة غيابك للانسان اللى انت بتحبه وانا فهمت قصدك لان الحب اللي بجد لما الحبيب بيغيب بيزداد الشوق اليه أكثر مش بنعوضة بشخص بديل مشكور يا احمد اسفه لو كنت تقلت عليك
| |
|
| |
| عايزه رايكم | |
|