الزوجه الثانيه..... بين الرفض والايجاب

مافيش بنت تقبل تكون زوجه تانيه

شكرا يا نرمو لردك العسل
بس صدقني انا اعرف بنات كتير قبلوا الوضع ده
ياما بسبب المجتمع
ياما انهم اتحطوا ادام الامر الواقع

ياما بعيد عنك الحب هو اللي جرهم للمصيبه ديه

شكرا يا تامر علي ردك الجميل
وهو ده تامر اللي نعرفه
تامر بتاع زمان

مشكور

والله يا احمد انا مش عارفه اقولك ايه شكرا يا فارس اللينك علي التثبيت ده شرف ليا

وكلامك صح وانا اعرف بنات لما بدأوا يأخر سنهم اضطروا يوافقوا علي موضوع الزوجه الثانيه

وانا قريت في الجرايد شيوخ كتير بيشجعوا الموضوع ده دلوقتي بالذات لان نسبه العنوسه زادت جدااااااااااااا

بس يا احمد فكر كتير قبل ماتعمل الموضوع ده انا ماشي عارفه انه حلال وكل حاجه بس بردوا فيه جرح كبير اووووووي للزوجه الاولي ومهما قدريت مش هتقدر تعوضها
شكرا مره تانيه يا استاذنا علي ردك الجميل

ازيكم كلكم يا جماعه
انا كنت عاوز بس اقول كلمتين صغيرين
الواحد لو هيقدر يعدل بين الزوجات كلهم زى بعض يتجوز عادى
ودايما الزوجه بتحب تكون هيا بس اللى فى حياة زوجها ومتتمناش انه يتجوز عليها
لكن دا شرع ربنا والمهم العدل

santa:

السؤال هنا
هل انت كرجل ممن يوافق علي الزواج بأخري
بكل تأكيد نعم
يا سيدتى
نسبة العنوسه فى مصر
اشارت اخر احصئيه الى وجود 9 مليون عانسه مصريه
ولا تعليق
تحياتى

بصى يا نغم لو بتحب الانسان الى معاها ممكن اوى تقبل ان تكون الزوجه الثانيه

او ممكن كمان علشان تعيش حياه كويسه

بس الى عايز يتجوز بلثانيه ده يبقى ثرى

لان مش ممكن ابدا شاب على قده ومرتبه يدوب بيكفيه هو وزوجته يفكر بلثانيه

تسلم ايدك بجد موضوع رائع

شكرا يا شباب علي الردود الجميله

بس انا بصراحه عن نفسي وراي مااقبلش اكون زوجه تانيه ولو هو مش مبسوط معايا فانا هعلن انسحابي بكل هدوء لكن عمري ماهقبل اكون مجرد جزء في حياه الانسان اللي بحيه لازم قلبه يكون ليا انا لوحدي شكرا يا شباب

شكرا ياسيد لمرورك ولو اني كان يشرفني تعليقك

بسم الله والحمد لله وبعد ....

طبعا موضوعك مهم جدا يا نغم ....

وكلامك صح لما قولتي انك ترفضي هذا الوضع ...

ليا تعليق مع حبيبي سفير الحب ... مش شرط عشان بتحبه تقبل انها تكون زوجه تانية لانه لو بيحبها مش هيعمل كده .. شكراا باشا ...

واحمد رجب باشا يعم هو انت قد اللي انت فيه عشان تروح تشوف واحده تانية كمان ...ههههههههههههههههههه اوعي تزعل انا بهزر بس بجد بلا وجع دماغ .

شكرا نغومه علي موضوعك الجميل ...

ميرو هو ده الكلام يا حبي نورتي يا سكره

كركر تمام كده يا كيمو نورت الموضوع

تسلمى يا نغم على الموضوع الجميل دة
وبجد الموضوع عامل مشاكل جامدة اووووووى
بس هنا لو الرجل يقدر يعدل بينهم وميفرقش بينهم ممكن ان يتزوج بس بجد اتحدى ان حد يقدر يعدل وميفرقش بينهم خالص الحاج متولى راح زمنة
وعلى ما اعتقد ان فى بنات كتير بتفبل ان تكون زوجة تانية وثالثة ورابعة ودية بتبقى حرية عندها وفى ناس لا تقبل ذلك وفى ناس بينظرة اليها من ناحية المجتمع والاهل والجيران لكن اللى ينظر لها من الناحية دية يبقى انسان جاهل لان كل واحد حر فى نفسة بس دية مشكلة جامدة من ناحية المرأة لان اغلبية البنات او الستات المتزوجين بيكونو غيورين بطريقة كتير بدخلهم فى مشاكل
ولكن الحل فى يد الراجل اذا اراد التعدد ويكون عادل ولا يفرف بينهم فهذة حرية ومن ناحية المراءة ان تقبل ذلك بس بعيد ان تنظر الى المجتمع والى العادة والتقاليد لانها لو بتحب بجد تعمل اى شىء لكى تكون سعيدة وفى النهاية مهما كان الرجل متزوج اكثر من واحد لا يسطيع ان يعدل بينهم والمرأة لا تسطيع التحمل ان تكون زوجة ثانية وثالثة ودة معرف عن النساء ودة اعتقادى وراقى الشخصى

رائع يا محمد رد رائع فعلا صعب اوووي ويكاد يكون مستحيل ان الراجل يعدل بين اتنين وزي ماانت قلت بيكون صعب اوووي علي المراه انها تكون عارفه ان في حد بيشاركها في زوجها

بس زي ماانت قولت في الاول والاخر بتكون حريه شخصيه

مشكور يا محمد لردك

اولابشكركم على الموضوع ده بس صراحه مهما كان حب المراه لهذا الرجل فان كرامتها تفرض عليها عدم قبول الزوجه التانيه لان ده دليل على عدم حبه لها اما عن فكره العنوسه اكيد المراه مش هتموت لو مفيش راجل فى حياتهاوعلى العموم الحياه الصعبه اكيد هتجعل الرجل يفكر مائه مره قبل الزواج من واحده اخرى

batoota كتب:

بسم الله الرحمن الرحيم
اسمحوا لى بالمشاركة معكم فى هذا الموضوع
هو فعلا موضوع كبير اوى وشكرا اختى لاختيارك بة
فى البداية طبعا كلنا نعلم تماما ان الزواج حلالا للرجل باربعة
اما بالنسبة لمن يقبل ومن يرفض فانا اعتقد انها حسب الفوارق النسبية
فانا اتكلم بداية عن المراة فعلمت انا سيدات يقبلن بكونهن زوجة ثانية وذلك ليس لمرور السنوات عليهن او خوفهن من العنوسة المؤكدة فى ايامنا هذة وانما كان لتمسكها بة كرجل دون غيرة وجدت فية احلامها وقبلت بة وتقبلت وضعها كزوجة اخرى
وعرفت ان سيدة وهى الزوجة الاولى علمت بان زوجها تزوج عليها باخرى ولم يعلمها خوفا على مشاعرها وعندما علمت بلامرمن الزوجة الثانية قرر الزوج ان يطلق الزوجة الثانية هل تعلمون ماذا حدث الزوجة الاولى رفضت وتوسلت لة ان يبقى عليها خاصة وانها كانت تحمل مولدا باحشائها وقبل الزوج ولم يطلقها واخذت الزوجة الاولى الزوجة الثانية تعيش معها بنفس البيت واصبحا اكثر من اختين ف والله ان هذة القصة حقيقية وكانت الزوجة تعيش بمنتهى السعادة
وهناك نساء ولايقبلن بوجود زوجة اخرى فى حياة زوجهن وفتيات يرفضن ان يكونا زوجات اخريات
اما بالنسبة للرجال فايضا الموقف ينظر الية بنظرة نسبية حيث يوجد من الرجال الذين يقبلون ذلك الوضع حتى لو كانت زوجتهم مثال للزوجة الصالحة
وهناك رجال لايقبلون بل ويرفضون مجرد التفكير بلامر حتى لو وجدت بعض المشاكل فيفضل ان يحل مشاكلة ويتحمل صعوبة الحياة على ان يجرح مشاعر زوجتة ويقبل عليها بزوجة اخرى
وهناك نوع من الرجال لا يتزوج حتى بعد وفاة زوجتة وذلك ابقاءا لذكرياتة معها
وانا رايى لنفسى فانا لااقبل مطلقا الوضعين ان اكون زوجة اولى ويتزوج اخرى او اكون انا الاخرى
فكلا الحالتين سيشعرنى بلاهانة فانا لااحتمل ان اكون جزءا فى حياة الرجل ولا اقبل ان يكون موضعى جزء من قلبة وان كنت زوجة اولى وتزوج اخرى فانا افضل الانفصال على ان اعيش مع نصف عقل ونصف قلب ونصف رجل
اقدم اسفى الشديد لالاطالة ولكنى اردت ان اضع امام ناظريكم صور من ارشيف الحياة
شكرا جزيلا

لا اطاله ايه ده انتي ماشاء الله عليكي ردك جميل جدا وفعلا هي مسأله نسبيه لكن للاسف كترت دلوقتي بسبب ارتفاع نسبه العنوسه
مشكوره لردك الجميل ومشاركتك الفعاله

سهيله كتب:

اولابشكركم على الموضوع ده بس صراحه مهما كان حب المراه لهذا الرجل فان كرامتها تفرض عليها عدم قبول الزوجه التانيه لان ده دليل على عدم حبه لها اما عن فكره العنوسه اكيد المراه مش هتموت لو مفيش راجل فى حياتهاوعلى العموم الحياه الصعبه اكيد هتجعل الرجل يفكر مائه مره قبل الزواج من واحده اخرى

هو صحيح يا سهيله الحياه صعبه بس في دلوقتي نوع من الرجاله بيستغلوا ان البنت خايفه من العنوسه ويتساهلوا في امور الجواز لانهم عارفين ان البنت مش هترفض يعني بدل تلات اوض خليهم اتنين وبدل العفش الجديد يبقا مستعمل كده يعني وعشان كده بيبقا سهل يتجوزوا واحده واتنين وتلاته

مشكوره يا قمر للمشاركه الجميله