ناصر صفا
مشرف قسم التعارف
عدد الرسائل : 149
العمر : 39
تاريخ التسجيل : 18/08/2007
 | موضوع: هذة هى الحياة  24/5/2009, 10:42 am | |
| بسم الله الرحمن الرحيم
احب اصبح او امسى حسب الوقت اللى هتقراو فيه كلامى على كل اصحابى وكل الناس اللى لسه بتدخل المنتدى وابعت لكل واحد فيهم برقية تقدير واحترام
على كل الايام اللى قضيناها سوا على النت وفى المشاركات المفيدة وفى الردود الحلوة
وعاوز اقول لكم حاجه يمكن تكونو مش واخدين بالكو منها
عاوز اقول لكم ان هيا دى الحياة
بتتقلب بينا حسب اعمارنا واحوالنا
من اول الطفوله لغاية لما كبرنا
بالامس القريب كنا كلنا فاضيين وموجودين على النت وبنشارك بعض الراى وبنسال على بعض وبنحب بعض وفيه بيننا صداقات جامده
والوقتى؟...علامات استفهام كتير
هيادى الدنيا
كل واحد فينا انشغل لان ظروف الحياة اتغيرت
الاول مكناش شايلين المسئولية لكن بعد الكلية الوضع اختلف
اللى اشتغل فينا واللى لسه بيدور على شغل واللى سافر واللى مهاجر
كل واحد فينا راح لاتجاه تانى
وكمان هتتختلف اكتر لما الدنيا تتقدم بينا كمان شويه وكل واحد فينا يتجوز ويخلف
كل واحد فينا لازم يمر بالمرحلة دى
انا ملاحظ ان معدش فيه مشاركات فى المنتدى خالص يعنى ممكن موضوعى ده محدش يدخل يشوفه اصلا
لكن انا حبيت ادخله من تانى لانكو كلكو ليكو معزه خاصه عندى
وانا عشت معاكو احلى ايام وعاوز اكملها حتى فى مختلف المراحل العمريه
واخيرا سلامى للاخ احمد المسئول عن هذا الموقع وعاوز اقول له شد حيلك شويه وحاول ترجع الناس زى زمان
لو كان معاك ايميلاتهم ابعت لهم دعوات عالايميل وقول لهم اننا محتاجين نتلم تانى
احنا كلنا مع بعض عيش ونت
اخوكم المخلص (ناصر صفا) من دولة الكويت الشقيقة nasser_safa2002@yahoo.com | |
|
