عندى مشكله ياعفاريييت

بقولكوا ايه ليه صديقه غاليه عندها مشكله قلت اخد رأيكوا
هيه كانت بتحب بنى ادم فتره طويله حب انا مشفتوش لحد الان
وتركوا بعض بلا عودة
واخدين بالكوا بلا عودة
هيه ممكن تكون مش قادره تشوف غيره رغم بعدة
بس حصل جديد
ان فى حد بياقرب منها بل وصرحلها بحبه ليها
وهيه ادام حبه استسلمت حقيقى مشافتش حب زيه
يمكن تقبلته لانها كانت محتاجه تحس الحب دة تانى وتشعر ان ممكن تحب تانى
لكن
فجأه خافت من النهايه تكون مشابه للقصه القديمه
وقررت انها تموت الحب المولود بداخلها
عنفت من يتقرب منها وقالت له كلام جارح
ارتدت قناع جراحين القلوب ولم تترتديه من قبل لكنها اتقنت الدور
قولو رأيكوا هيه صح هل خوفها من بدء قصه حب جديده وهيه متعرفش النهايه ايه
ولا تعسش الحب من أجل الحب وربك يسهلها زى مابيقولو
رجاء ردود منطقيه وبلاش تشطحوا بخيالكوا عيشوا الواقع وحسوا ببنت اتجرحت ومش عارفه تحب تانى
مش تردو من دماغكوا حطوا نفسكوا مكانها
ياله يا عفاريييييييييييييت

بصي يا دودو عشان تقدري تحسي انك عايشه في الدنيا ديه لازم تتوجعي الف مره لان لو انتي

كنتي عايشه حياتك كلها في سعاه اكيد هيجي عليكي يوم وتحسي بملل اللي اقصده من كلامي ان

الدنيا مش بتوقف علي مره او مرتين او حتي مليون مره اتجرحنا واتخدعنا فيهم بالعكس الانسان

اللي مش بيفشل عمره ما بيكون ناجح وصحبتك ديه حبيت واحد وعاشت معاه احاسيس ومشاعر

جميله وفي الاخر انجرحت وقلبها انكسر وليها حق انها تفقد الثقه في اي انسان تاني وانها تقرر انها

تحط قلبها في تلاجه ومحدش يقرب منه وطب وبعدين هتعيش حياتها كده

يمكن تكون مبسوطه في الاول وتفتكر انها قدريت تحمي نفسها لكن هيجي عليها وقت تندم فيه علي

عمرها اللي ضاع وتتمني انها تعيش قصه حب تانيه انشاله تنجرح مليون مره وساعتها هيكون فات الاوان

مادام الشخص ده بيحبها وهي بتحبه يبقا علي بركه الله خليها ماتخفش بس زي مااحمد قالك تاخد خطوات حاسمه واولها انه يجي يخطبها رسمي فورا

لالالالالالالالالالالالا
هى احساسها بان الحب الاول ممكن يكون زى الى مرت بيه

مش صحيح لانه متعرفش علم الغيب وممككن اوى الحب ده يتحول لزواج

وعيشه هنيه...هى ظلمت نفسها وظلمت معاها الى بيحبه